Mountaineering Expedition 2026 ਸਫ਼ਲਤਾਪੂਰਵਕ ਮੁਕੰਮਲ; 6,622 ਮੀਟਰ ਉੱਚੀ Mt Chamser Kangri ਸਮੇਤ ਤਿੰਨ ਚੋਟੀਆਂ ’ਤੇ ਲਹਿਰਾਇਆ ਤਿਰੰਗਾ
ਨਵੀਂ ਦਿੱਲੀ, 6 ਸਤੰਬਰ: ਭਾਰਤੀ ਫੌਜ ਦੇ Corps of Signals ਨੇ ਲੱਦਾਖ ਦੇ ਬੇਹੱਦ ਮੁਸ਼ਕਲ ਅਤੇ ਉੱਚਾਈ ਵਾਲੇ ਇਲਾਕਿਆਂ ਵਿੱਚ ਆਪਣੀ Mountaineering Expedition 2026 ਸਫ਼ਲਤਾਪੂਰਵਕ ਪੂਰੀ ਕਰਦਿਆਂ ਤਿੰਨ ਉੱਚੀਆਂ ਪਹਾੜੀ ਚੋਟੀਆਂ ਫਤਿਹ ਕੀਤੀਆਂ ਹਨ। ਰੱਖਿਆ ਮੰਤਰਾਲੇ ਮੁਤਾਬਕ ਇਸ ਮੁਹਿੰਮ ਨੇ ਫੌਜੀ ਜਵਾਨਾਂ ਦੇ ਹੌਸਲੇ, ਸਹਿਣਸ਼ੀਲਤਾ, ਤਕਨੀਕੀ ਮੁਹਾਰਤ ਅਤੇ ਟੀਮ ਵਰਕ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਰੱਖਿਆ ਮੰਤਰਾਲੇ ਵੱਲੋਂ ਜਾਰੀ ਜਾਣਕਾਰੀ ਅਨੁਸਾਰ ਟੀਮ ਨੇ ਸਭ ਤੋਂ ਪਹਿਲਾਂ 13 ਅਗਸਤ ਨੂੰ 6,100 ਮੀਟਰ ਉੱਚੀ Mt Kiagar Ri ’ਤੇ ਸਫ਼ਲ ਚੜ੍ਹਾਈ ਕੀਤੀ। ਇਸ ਤੋਂ ਬਾਅਦ 24 ਅਗਸਤ ਨੂੰ 6,250 ਮੀਟਰ ਉੱਚੀ Mt Mentok Kangri ਅਤੇ ਅੰਤ ਵਿੱਚ 29 ਅਗਸਤ ਨੂੰ 6,622 ਮੀਟਰ ਉੱਚੀ Mt Chamser Kangri ਦੀ ਚੋਟੀ ’ਤੇ ਪਹੁੰਚ ਕੇ ਆਪਣਾ ਤਿੰਨ-ਚੋਟੀ ਮਿਸ਼ਨ ਪੂਰਾ ਕੀਤਾ।
18 ਜੂਨ ਨੂੰ ਸ਼ੁਰੂ ਹੋਇਆ ਸੀ ਮਿਸ਼ਨ
ਇਸ ਪਹਾੜੀ ਮੁਹਿੰਮ ਨੂੰ 18 ਜੂਨ ਨੂੰ Signal Officer-in-Chief ਲੈਫਟੀਨੈਂਟ ਜਨਰਲ ਵਿਵੇਕ ਡੋਗਰਾ, SM ਨੇ ਰਵਾਨਾ ਕੀਤਾ ਸੀ।
ਲੱਦਾਖ ਦੇ ਉੱਚੇ ਪਹਾੜਾਂ ’ਤੇ ਘੱਟ ਆਕਸੀਜਨ, ਸਖ਼ਤ ਮੌਸਮ ਅਤੇ ਔਖੇ ਭੂਗੋਲਿਕ ਹਾਲਾਤਾਂ ਵਿਚਕਾਰ ਟੀਮ ਨੇ ਤਿੰਨ ਵੱਖ-ਵੱਖ ਚੋਟੀਆਂ ’ਤੇ ਸਫ਼ਲ ਚੜ੍ਹਾਈ ਕੀਤੀ। ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਇਸ ਦੌਰਾਨ ਟੀਮ ਨੇ ਹਿੰਮਤ, ਸਰੀਰਕ ਤੇ ਮਾਨਸਿਕ ਸਹਿਣਸ਼ੀਲਤਾ, ਤਕਨੀਕੀ ਹੁਨਰ, ਲੀਡਰਸ਼ਿਪ ਅਤੇ ਆਪਸੀ ਤਾਲਮੇਲ ਦਾ ਪ੍ਰਦਰਸ਼ਨ ਕੀਤਾ।
‘Three Peaks. One Mission. Infinite Resolve’
ਰੱਖਿਆ ਮੰਤਰਾਲੇ ਨੇ ਇਸ ਸਫ਼ਲਤਾ ਨੂੰ ਸਾਂਝਾ ਕਰਦਿਆਂ ਮੁਹਿੰਮ ਨੂੰ “Three Peaks. One Mission. Infinite Resolve” ਦੇ ਸ਼ਬਦਾਂ ਨਾਲ ਦਰਸਾਇਆ।
ਮੰਤਰਾਲੇ ਮੁਤਾਬਕ ਇਸ ਅਭਿਆਨ ਦਾ ਮਕਸਦ ਸਿਰਫ਼ ਤਿੰਨ ਪਹਾੜੀ ਚੋਟੀਆਂ ਨੂੰ ਫਤਿਹ ਕਰਨਾ ਨਹੀਂ ਸੀ, ਸਗੋਂ Corps of Signals ਦੀ ਪੁਰਾਣੀ ਅਤੇ ਮਾਣਮੱਤੀ mountaineering tradition ਨੂੰ ਮੁੜ ਮਜ਼ਬੂਤ ਕਰਨਾ ਅਤੇ ਫੌਜੀ ਪਰਬਤਾਰੋਹੀਆਂ ਦੀ ਨਵੀਂ ਪੀੜ੍ਹੀ ਨੂੰ ਪ੍ਰੇਰਿਤ ਕਰਨਾ ਵੀ ਸੀ।
ਬਰਫ਼ੀਲੀਆਂ ਚੋਟੀਆਂ ’ਤੇ ਲਹਿਰਾਇਆ ਤਿਰੰਗਾ
ਮੁਹਿੰਮ ਦੀਆਂ ਜਾਰੀ ਕੀਤੀਆਂ ਤਸਵੀਰਾਂ ਵਿੱਚ ਟੀਮ ਦੇ ਮੈਂਬਰ ਬਰਫ਼ ਨਾਲ ਢੱਕੀਆਂ ਚੋਟੀਆਂ ’ਤੇ ਤਿਰੰਗੇ ਅਤੇ Corps of Signals ਦੇ ਬੈਨਰਾਂ ਨਾਲ ਨਜ਼ਰ ਆ ਰਹੇ ਹਨ। ਹੋਰ ਤਸਵੀਰਾਂ ਵਿੱਚ ਜਵਾਨ ਪੱਥਰੀਲੇ ਅਤੇ ਬਰਫ਼ੀਲੇ ਇਲਾਕਿਆਂ ਵਿੱਚ ਆਪਣੀ ਸਫ਼ਲਤਾ ਦਾ ਜਸ਼ਨ ਮਨਾਉਂਦੇ ਦਿਖਾਈ ਦਿੱਤੇ।
ਉੱਚਾਈ ਵਾਲੇ ਇਲਾਕਿਆਂ ’ਚ ਫੌਜੀ ਤਿਆਰੀ ਲਈ ਵੀ ਅਹਿਮ
ਅਜਿਹੀਆਂ mountaineering ਅਤੇ adventure activities ਨੂੰ ਭਾਰਤੀ ਫੌਜ ਵਿੱਚ ਸਰੀਰਕ ਸਮਰੱਥਾ ਦੇ ਨਾਲ-ਨਾਲ ਮਾਨਸਿਕ ਮਜ਼ਬੂਤੀ, ਫ਼ੈਸਲਾ ਲੈਣ ਦੀ ਯੋਗਤਾ, ਟੀਮ ਵਰਕ ਅਤੇ ਮੁਸ਼ਕਲ ਹਾਲਾਤਾਂ ਵਿੱਚ ਕੰਮ ਕਰਨ ਦੀ ਸਮਰੱਥਾ ਵਿਕਸਤ ਕਰਨ ਲਈ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ।
Corps of Signals ਵੱਲੋਂ ਤਿੰਨ ਉੱਚੀਆਂ ਚੋਟੀਆਂ ਦੀ ਸਫ਼ਲ ਚੜ੍ਹਾਈ ਨੇ ਇੱਕ ਵਾਰ ਫਿਰ ਲੱਦਾਖ ਵਰਗੇ ਚੁਣੌਤੀਪੂਰਨ ਖੇਤਰ ਵਿੱਚ ਭਾਰਤੀ ਫੌਜ ਦੇ ਜਵਾਨਾਂ ਦੀ ਹਿੰਮਤ, ਅਨੁਸ਼ਾਸਨ ਅਤੇ ਦ੍ਰਿੜ੍ਹ ਇਰਾਦੇ ਨੂੰ ਦਰਸਾਇਆ ਹੈ।
